
大宝伏藏TD2617མཆོག་གཏེར་རྫོགས་ཆེན་སྡེ་གསུམ་གྱི། །བཀའ་གཏེར་སྲུང་མའི་གཏོར་མའི་དཔེའུ་རིས་བཞུགས།
68-77-1a
༄༅། །མཆོག་གཏེར་རྫོགས་ཆེན་སྡེ་གསུམ་གྱི། །བཀའ་གཏེར་སྲུང་མའི་གཏོར་མའི་དཔེའུ་རིས་བཞུགས།
མཆོག་གཏེར་རྫོགས་ཆེན་སྡེ་གསུམ་གྱི། །བཀའ་གཏེར་སྲུང་མའི་གཏོར་མའི་དཔེའུ་རིས་བཞུགས། རྒྱས་སྐབས་ལྷ་གྲངས་སོ་སོར་གཏོར་མ་བཅའ། །འབྲིང་པོར་མ་མོ་ཀུན་འདུས་དམར་གཏོར་ལ། །མདུན་དུ་མཁར་སྒོ་བྲིས་པ་ར་དམ་ཅན་ཚང་། །དེ་སྟེང་རྒྱན་ལྔ་གཤོག་རྒོད་གཙོ་འཁོར་ལྔ། །མེ་རི་གསུམ་ནི་མ་མོ་མཆེད་གསུམ་ཡིན། །མདུན་དུ་ལྷ་ལབཤོས་ཟླུམ་གཉིས་རྒྱན་ཅན། །གཡས་སུ་བཙན་ལ་ཟུར་གསུམ་རྒྱན་མེད་གཅིག །གཡོན་དུ་ཀླུ་ལ་སྦྲུལ་མགོ་སྡེ་དཀར་བྱ། །རྒྱུན་གཏོར་དམར་གཏོར་ལོག་གསུམ་ཐེབ་ཀྱུ་རེ། །མདུན་དུ་སྒོ་རིས་རྩེ་མོར་མདིལ་རྩེ་གསུམ། །དེ་ལ་སྡེ་གསུམ་བཀའ་སྲུང་གཏེར་སྲུང་འདུས། །གཏེར་སློབ་མཁན་པོ་མ་ཏི་རཏཱ་ཡིས། །བཀའ་ཐུབ་གཞུང་གི་བྲག་ཕུག་ནང་དུ་བྲིས། །ཡང་ཟབ་བསྟན་པ་འཕེལ་རྒྱུས་བཀྲ་ཤིས་ཤོག། །།

